ՀՀ դեսպանի այցը Կամբոջայի Տուոլ Սլենգ ցեղասպանության թանգարան

21 հունիսի, 2025

Հունիսի 21-ին ՀՀ դեսպան Ս. Բաղդասարյանը Պնոմպենում այցելեց Տուոլ Սլենգ ցեղասպանության թանգարան, որտեղ հանդիպում ունեցավ թանգարանի տնօրեն Հանգ Նիսայի հետ:

ՀՀ դեսպանը թանգարանի տնօրենին փոխանցեց «Հայոց ցեղասպանության թանգարան-ինստիտուտ» հիմնադրամի կողմից պատրաստված փոխըմբռնման հուշագրի` հայկական կողմի շրջանակային նախագիծը:

Դեսպան Բաղդասարյանը թանգարանի տնօրինությանն առաջարկեց քննարկել հայկական կողմի հետ փոխայցելությունների, ցուցահանդեսների կազմակերպման, տեղեկատվության փոխանակման, առցանց և առկա դասընթացների անցկացման, համատեղ հետազոտությունների իրականացման հարցերը։

Տնօրեն Հանգ Նիսան խոստացավ հնարավոր սեղմ ժամկետում հայկական կողմին փոխանցել համագործակցության հետ կապված իրենց առաջարկները։

Հանդիպումից հետո դեսպանության պատվիրակությունը շրջայց կատարեց Տուոլ Սլենգ թանգարանի տարածքով և հարգանքի տուրք մատուցեց «կարմիր քհմերների» կողմից իրականացված ցեղասպանության զոհերին ու վերապրյալներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր