ՀՀ դեսպանի հանդիպումը ՎՍՀ փոխվարչապետի և ազգային պաշտպանության նախարարի հետ

22 ապրիլի, 2026

Վիետնամի Սոցիալիստական Հանրապետությունում Հայաստանի Հանրապետության արտակարգ և լիազոր դեսպան Սուրեն Բաղդասարյանը հանդիպում ունեցավ ՎԿԿ Կենտկոմի Քաղբյուրոյի անդամ, Կենտրոնական ռազմական հանձնաժողովի քարտուղարի տեղակալ, Վիետնամի փոխվարչապետ և ազգային պաշտպանության նախարար, գեներալ Ֆան Վան Ձիանգի հետ։

Դեսպան Ս․ Բաղդասարյանը շնորհավորեց նախարար Ֆան Վան Ձիանգին պաշտոններում նշանակման կապակցությամբ՝ հույս հայտնելով, որ այն կնպաստի Հայաստան-Վիետնամ հարաբերությունների զարգացմանը։ ՀՀ դեսպանը միաժամանակ ընդգծեց երկու երկրների միջև համագործակցության ընդլայնման և այն նոր մակարդակի բարձրացնելու առկա ներուժը։

Նախարար Ֆան Վան Ձիանգը, իր հերթին, գոհունակություն հայտնեց երկկողմ հարաբերությունների դրական ընթացքի կապակցությամբ և հայտնեց իր անկեղծ երախտագիտությունը հայ ժողովրդին՝ 1950-1980-ական թվականներին ազգային անկախության և երկրի վերամիավորման պայքարի ընթացքում վիետնամական ժողովրդին ցուցաբերած աջակցության և օգնության համար։

Հանդիպման ընթացքում կողմերը քննարկեցին Հայաստան–Վիետնամ երկկողմ հարաբերությունների օրակարգին առնչվող մի շարք հարցեր՝ անդրադառնալով քաղաքական երկխոսության, միջգերատեսչական կապերի ակտիվացման և փոխշահավետ համագործակցության ծրագրերին։

Զրուցակիցները կարևորեցին բարձր մակարդակի փոխայցերը, ինչպես նաև համապատասխան կառույցների միջև գործնական կապերի խորացումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր