ՀՀ դեսպանի այցը Ձիա Լայ նահանգ

29 մարտի, 2026

Վիետնամում ՀՀ դեսպան Սուրեն Բաղդասարյանն աշխատանքային այցով գտնվել է Ձիա Լայ նահանգի վարչական կենտրոն Կույ Նյոն քաղաքում՝ նահանգային կառավարության հրավերով մասնակցելու «Ձիա Լայ-Գարուն 2026» շրջայցին, որը կազմակերպվել էր Վիետնամում հավատարմագրված դիվանագիտական առաքելությունների ղեկավարների համար։

Այցի շրջանակներում դեսպան Ս․ Բաղդասարյանը մասնակցել է Կույ Նյոնում անցկացվող Ներդրումային միջազգային համաժողովին, դիվանագիտական առաքելությունների ղեկավարների և նահանգի ղեկավարության միջև հանդիպումներին, ինչպես նաև Վիետնամի ազգային զբոսաշրջային տարվա բացման հանդիսավոր արարողությանը։

Շրջայցի ընթացքում դեսպան Ս․ Բաղդասարյանն առանձնազրույցներ է ունեցել Վիետնամի Կոմկուսի Ձիա Լայ նահանգի քարտուղար Թայ Դայ Նոկի և նահանգային ժողովրդական կոմիտեի (կառավարության) նախագահ Ֆամ Ան Տուանի հետ։

Քննարկումների ընթացքում անդրադարձ է կատարվել Հայաստան-Վիետնամ համագործակցության զարգացման հեռանկարներին, մասնավորապես գյուղատնտեսության, ագրոտեխոնոլոգիաների, կրթության, թվային տնտեսության, զբոսաշրջության և տեղական կառավարման ոլորտներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր