ՀՀ դեսպանի հանդիպումը ՎՍՀ արդյունաբերության և առևտրի փոխնախարար և Հայաստան-Վիետնամ միջկառավարական հանձնաժողովի համանախագահի հետ

16 մարտի, 2026

Վիետնամում ՀՀ դեսպան Սուրեն Բաղդասարյանը հանդիպում ունեցավ ՎՍՀ արդյունաբերության և առևտրի նախարարի տեղակալ, Հայաստան-Վիետնամ տնտեսական, գիտատեխնիկական համագործակցության միջկառավարական հանձնաժողովի համանախագահ Ֆան Թհի Թանգի հետ։

Զրուցակիցները, բարձր գնահատելով 2025 թ. ապրիլին ՎՍՀ ԱԺ նախագահի գլխավորած պատվիրակության՝ Երևան կատարած պաշտոնական այցի և նույն թվականի հոկտեմբերին ՀՀ և ՎՍՀ արտաքին գերատեսչությունների միջև Հանոյում անցկացված քաղաքական խորհրդակցությունների արդյունքները, քննարկեցին Երևանում կայանալիք միջկառավարական երկրորդ նիստի անցկացման ժամկետներին և երկկողմ օրակարգին առնչվող մի շարք հարցեր։

Նաև անդրադարձ եղավ Հայաստան-Վիետնամ երկկողմ առևտրային փոխանակումների ծավալների մեծացման հեռանկարներին՝ կարևորելով մի շարք, այդ թվում՝ տեքստիլի, գյուղատնտեսության, ՏՏ և նորարարական տեխնոլոգիաների, գիտության և կրթության ոլորտներում համագործակցության զգալի ներուժի առկայությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր