Հանոյում անցկացվեց Հայաստան-Վիետնամ բարեկամական հարաբերություններին նվիրված երաժշտական երեկո

15 դեկտեմբերի, 2025

Վիետնամում ՀՀ դեսպանությունը և ՎՍՀ մշակույթի, սպորտի և զբոսաշրջության նախարարությունը կազմակերպեցին դասական երաժշտության երեկո Հանոյում՝ նվիրված Հայաստան-Վիետնամ բարեկամական հարաբերություններին՝ անվանի դաշնակահար Արմեն Բաբախանյանի և վիետնամցի հայտնի դաշնակահար Լյու Դըկ Անի մասնակցությամբ։

Միջոցառմանը ներկա էին Վիետնամի մի շարք պետական մարմինների, օտարերկրյա դիվանագիտական առաքելությունների ներկայացուցիչներ, մշակույթի ոլորտի գործիչներ, ուսանողներ և այլ հրավիրյալներ։

Նախքան համերգը ելույթով հանդես եկավ ՀՀ դեսպան Սուրեն Բաղդասարյանը՝ խոսելով հայկական մշակութային ավանդույթների, մասնավորապես՝ երաժշտության ունեցած դերի և նշանակության մասին։

Երեկոյի ընթացքում հնչեցին Բարսեղ Կանաչյանի, Առնո Բաբաջանյանի, Ալեքսանդր Սպենդիարյանի, Ալեքսանդր Հարությունյանի, Արմեն Բաբախանյանի, Լյուդվիգ վան Բեթհովենի, Յոհան Սեբաստիան Բախի և այլոց ստեղծագործությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր