Հայաստան-Վիետնամ կրթական տեխնոլոգիաների համաժողովի պանելային քննարկումը Հո Շի Մինում

25 սեպտեմբերի, 2025

Սեպտեմբերի 25-ին Վիետնամում ՀՀ դեսպանությունը, Հո Շի Մին քաղաքում ՀՀ պատվավոր հյուպատոսությունը և «Թումո» ստեղծարար տեխնոլոգիաների կենտրոնը համատեղ կազմակերպեցին Հայաստան-Վիետնամ կրթական տեխնոլոգիաների համաժողովի (Armenia-Vietnam Edtech Summit) եզրափակիչ պանելային քննարկումը Հո Շի Մինում։

Քննարկմանը մասնակցեցին Վիետնամի նորարարական և տեղեկատվական տեխնոլոգիաների ոլորտը ներկայացնող մի շարք մասնագետներ, ընկերությունների ներկայացուցիչներ և ուսանողներ։

Իր ելույթում ՀՀ դեսպան Սուրեն Բաղդասարյանը, կարևորելով կրթության և տեխնոլոգիաների ոլորտում Հայաստանի և Վիետնամի միջև համագործակցության զարգացումը, խոսեց հատկապես թվային ոլորտում երկու երկրների փոխգործակցության ներուժի մասին։

«Թումո» կենտրոնի Միջազգային բաժնի ղեկավար Քրիս Շահինյանը և գործընկերության ու զարգացման գծով մենեջեր Սթիվեն Բրիջեսը ներկայացրեցին կենտրոնի նորարարական կրթական մոդելները՝ միաժամանակ խոսելով այն մասնագիտական հմտությունների մասին, որոնք կարող են ձեռք բերել վիետնամցի երիտասարդները՝ հաճախելով «Թումո» կենտրոններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր