Հանդիպում ՎՍՀ փոխվարչապետ Ճան Հոնգ Հայի հետ

23 սեպտեմբերի, 2025

Հանոյում կազմակերպված «Armenia-Vietnam Edtech Summit» խորագիրը կրող համաժողովի շրջանակներում ՀՀ դեսպան Սուրեն Բաղդասարյանը, Հո Շի Մինում ՀՀ պատվավոր հյուպատոս Գրեգորի Օհաննեսյանը և «Թումո» ստեղծարար տեխնոլոգիաների կենտրոնը ներկայացնող հայկական պատվիրակության անդամները հանդիպում ունեցան Վիետնամի փոխվարչապետ Ճան Հոնգ Հայի հետ։

Դեսպան Սուրեն Բաղդասարյանը, կարևորելով նորարարության ոլորտում Հայաստան-Վիետնամ համագործակցության ուղղությամբ իրականացվող քայլերը, հույս հայտնեց, որ մոտ ապագայում «Թումոն» հնարավորություն կունենա արդյունավետ գործունեություն ծավալել նաև Վիետնամում։

Փոխվարչապետ Ճան Հոնգ Հան, ողջունելով հայկական պատվիրակության այցը Վիետնամ, կիսվեց իր առանձնահատուկ տպավորություններով ընթացիկ տարվա ապրիլին ՎՍՀ ԱԺ նախագահի գլխավորած պատվիրակության կազմում «Թումո» կենտրոն կատարած այցից։

Փոխվարչապետը վերահաստատեց ՎՍՀ կառավարության պատրաստակամությունը՝ խթանելու «Թումոյի» գործունեությունը Վիետնամում։

Զրուցակիցները քննարկեցին նաև «Թումոյի» և վիետնամական կողմի միջև համագործակցության կոնկրետ ուղղություններին առնչվող, տեխնիկական, ֆինանսական և մի շարք այլ հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր