Դեսպան Բաղդասարյանի հանդիպումը Վիետնամի գիտության և տեխնոլոգիաների փոխնախարարի հետ

19 օգոստոսի, 2025

Օգոստոսի 19-ին դեսպան Սուրեն Բաղդասարյանը հանդիպում ունեցավ Վիետնամի գիտության և տեխնոլոգիաների նախարարի տեղակալ Բույ Թե Դույի հետ։

Զրուցակիցները քննարկեցին Հայաստանի և Վիետնամի միջև համագործակցության հեռանկարները նորարարական և տեղեկատվական տեխնոլոգիաների ոլորտում՝ ընդգծելով փոխայցերի, փոխճանաչողության և գործնական ծրագրերի իրականացման կարևորությունը։

Դեսպան Բաղդասարյանը հույս հայտնեց, որ ընթացիկ տարվա սեպտեմբերին «ԹՈՒՄՈ» ստեղծարար տեխնոլոգիաների կենտրոնի պատվիրակության՝ Վիետնամ նախատեսված այցի ընթացքում հնարավոր կլինի զարգացնել արդյունավետ համագործակցություն։

Փոխնախարար Բույ Թե Դույը հայտնեց վիետնամական կողմի՝ «ԹՈՒՄՈ» կենտրոնի հետ համագործակցություն զարգացնելու պատրաստակամությունը։ Նա միաժամանակ նշեց, որ Վիետնամը շահագրգռված է կիսահաղորդիչների և 5/6G տեխնոլոգիաների ոլորտներում հնարավոր համագործակցությամբ՝ առաջարկելով հայկական կողմին ակտիվորեն մասնակցել Վիետնամում անցկացվող նորարարական և «startup» միջոցառումներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր