ՀՀ դեսպանի հանդիպումը Կամբոջայի արտաքին գործերի և միջազգային համագործակցության նախարարության պետքարտուղարի տեղակալի հետ

20 հունիսի, 2025

Հունիսի 20-ին Կամբոջայի մայրաքաղաք Պնոմպենում դեսպան Ս. Բաղդասարյանը հանդիպեց Կամբոջայի արտաքին գործերի և միջազգային համագործակցության նախարարության պետքարտուղարի տեղակալ Ֆեն Սավնիի հետ։

Զրույցի ընթացքում դեսպան Բաղդասարյանը նշեց Կամբոջայի հետ քաղաքական երկխոսության, իրավապայմանագրային դաշտի ընդլայնման և երկու երկրներ մուտքի արտոնագրերի փոխադարձ վերացման անհրաժեշտության մասին։

Անդրադառնալով միջխորհրդարանական համագործակցությանը՝ ՀՀ դեսպանը նշեց, որ այն կարող է խթանել երկխոսությունը նաև ԱՍԵԱՆ-ի Խորհրդարանական վեհաժողովի շրջանակներում։

Դեսպան Բաղդասարյանը հավելեց, որ Հայաստանը պատրաստ է Կամբոջայի հետ կիսվել իր փորձով նորարարությունների, բարձր տեխնոլոգիաների և թվային փոխակերպման ոլորտներում։

Պետքարտուղարի տեղակալ Ֆեն Սավնին իր զրուցակցի ուշադրությունը հրավիրեց վերջին շրջանում Կամբոջայում զբոսաշրջության և ավիափոխադրումների ոլորտների արագ զարգացման վրա՝ ընդգծելով այդ միտումների հնարավոր դրական ազդեցությունը Հայաստանի հետ երկկողմ զբոսաշրջային հոսքերի ակտիվացման հարցում։

Ֆեն Սավնին կարևորեց ներդրումային միջավայրի բարելավման ուղղությամբ Կամբոջայի կառավարության իրականացրած քայլերը՝ հրավիրելով հայ գործարարներին այցելել Կամբոջա՝ գործնական կապեր հաստատելու նպատակով։

Կողմերը վերահաստատեցին իրենց պատրաստակամությունը՝ շարունակելու փոխաջակցությունը միջազգային կազմակերպություններում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր