ՀՀ դեսպանը մասնակցեց ԵԱՏՄ-ՎՍՀ ազատ առևտրի մասին համաձայնագրի 10-ամյակին նվիրված մամուլի ասուլիսին

29 մայիսի, 2025

ՀՀ դեսպան Ս. Բաղդասարյանը մայիսի 29-ին Հանոյում մասնակցեց ԵԱՏՄ-ՎՍՀ ազատ առևտրի մասին համաձայնագրի 10-ամյակի կապակցությամբ վիետնամական ԶԼՄ-ների համար կազմակերպված մամուլի ասուլիսին։

Միջոցառմանը մասնակցում էին նաև ՎՍՀ արդյունաբերության և առևտրի նախարարության Եվրոպական և Ամերիկյան շուկաների վարչության գլխավոր տնօրեն Տա Հոանգ Լինը, ՎՍՀ-ում Ղազախստանի դեսպան Կ. Տումիշը, ՌԴ դեսպան Գ. Բեզդետկոն և Բելառուսի դեսպան Ու. Բարավիկոուն։

Իր ելույթում ՀՀ դեսպան Ս. Բաղդասարյանը նշեց, որ Վիետնամը Հայաստանի կարևոր գործընկերն է Հարավարևելյան Ասիայի տարածաշրջանում, և ԵԱՏՄ–Վիետնամ ազատ առևտրի համաձայնագիրը նպաստում է երկկողմ առևտրաշրջանառության աճին։

ՀՀ դեսպանի գնահատմամբ՝ 2024 թ․ ՀՀ-ՎՍՀ ապրանքաշրջանառությունը կազմել է շուրջ 826 մլն ԱՄՆ դոլար։

ՀՀ կառավարության կողմից առաջ քաշված «Խաղաղության խաչմերուկ» ծրագրի համատեքստում դեսպան Բաղդասարյանը կարևորեց ՎՍՀ հետ գործարար հարաբերությունների խթանումը, լոգիստիկ հնարավորությունների ընդլայնումը և փոխադարձ հետաքրքրություն ներկայացնող նախագծերի իրականացումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր