ՀՀ դեսպանի հանդիպումը ՎՍՀ կրթության և ուսուցման փոխնախարարի հետ

20 մայիսի, 2025

Մայիսի 20-ին ՀՀ դեսպան Սուրեն Բաղդասարյանը հանդիպեց ՎՍՀ կրթության և ուսուցման նախարարի տեղակալ Նգույեն Վան Ֆուկին։

Հիմք ընդունելով կրթության և գիտության բնագավառում Հայաստանի և Վիետնամի միջև ստորագրված համաձայնագիրը՝ ՀՀ դեսպանն առաջարկեց ակտիվացնել երկու երկրների համալսարանների և գիտահետազոտական կենտրոնների միջև փոխշփումները և իրականացնել համատեղ ծրագրեր։

Անդրադառնալով Վիետնամում «Թումո ստեղծարար տեխնոլոգիաների կենտրոնի» մասնաճյուղ հիմնելու գաղափարին՝ դեսպան Ս. Բաղդասարյանը հույս հայտնեց, որ առաջիկայում այդ ուղղությամբ կիրականացվեն կոնկրետ գործողություններ։

Զրուցակիցները քննարկեցին կրթության և գիտության ոլորտում փոխգործակցության, մասնավորապես՝ համատեղ մի շարք գիտահետազոտական նախաձեռնությունների իրականացման հնարավորությունները՝ միաժամանակ ընդգծելով ուսանողների փոխանակման ծրագրերի ընդլայնման կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր