«Հումանիտար ականազերծման և փորձագիտական կենտրոն» ՊՈԱԿ-ի պատվիրակության այցը Հանոյ

20 մարտի, 2025

Մարտի 20-ին Հանոյում տեղի ունեցան «Հումանիտար ականազերծման և փորձագիտական կենտրոն» ՊՈԱԿ-ի տնօրեն Վաղինակ Սարգսյանի հանդիպումները Վիետնամի հակաականային գործունեության ազգային կենտրոնի գլխավոր տնօրենի տեղակալ Լե Քուանգ Հոպի և ՎՍՀ Ազգային պաշտպանության նախարարության Արտաքին կապերի վարչության Եվրոպայի բաժնի ղեկավար գնդապետ Նգույեն Չի Թանի հետ։ Հանդիպումներին մասնակցեց նաև ՎՍՀ-ում ՀՀ արտակարգ և լիազոր դեսպան Սուրեն Բաղդասարյանը։

«Հումանիտար ականազերծման և փորձագիտական կենտրոն» ՊՈԱԿ-ի տնօրեն Վ. Սարգսյանը, շնորհակալություն հայտնելով վիետնամական կողմին ջերմ ընդունելության համար, ներկայացրեց իր ղեկավարած կենտրոնի գործունեության առանձնահատկություններն ու իրականացրած առաքելությունները ոչ միայն Հայաստանում, այլև մի շարք այլ երկրներում։ Խոսվեց հայ մասնագետների կողմից «Կանաչ պիտակ» որակավորման համակարգի ներդրման և «կանաչ հակաականային գործունեության» մեթոդների կիրառման կարևորության մասին, որի արդյունքում չի վնասվում շրջակա միջավայրը։

Քննարկումների ընթացքում զրուցակիցները, ընդգծելով ականազերծման ոլորտում Հայաստանի և Վիետնամի ունեցած ընդհանուր հետաքրքրությունները, պատրաստակամություն հայտնեցին զարգացնել փոխգործակցությունը՝ փորձի փոխանակման, համատեղ դասընթացների կազմակերպման և այլ ուղղություններով։

Տնօրեն Վ. Սարգսյանը Վիետնամի հակաականային գործունեության ազգային կենտրոնի պատվիրակությանը հրավիրեց այցելել Հայաստան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր