Դեսպան Բաղդասարյանն իր հավատարմագրերը հանձնեց Լաոսի Ժողովրդական Ժողովրդավարական Հանրապետության նախագահին

04 մարտի, 2025

Մարտի 4-ին Վիենտյանի նախագահական պալատում տեղի ունեցավ Լաոսի Ժողովրդական Ժողովրդավարական Հանրապետության նախագահ Թոնգլուն Սիսուլիտին Լաոսում Հայաստանի Հանրապետության արտակարգ և լիազոր դեսպան (նստավայրը՝ Հանոյ) Սուրեն Բաղդասարյանի հավատարմագրերի հանձնման արարողությունը։

Արարողությանը հաջորդած մտքերի փոխանակման ժամանակ զրուցակիցները կարևորեցին երկկողմ և բազմակողմ մակարդակներում հարաբերությունների զարգացումը, բարձրաստիճան շփումների խթանումն ու երկու ժողովուրդների միջև կապերի ամրապնդումը՝ որպես ապագա համագործակցության ամուր հիմք։

Միաժամանակ, խոսվեց տնտեսական և առևտրային համագործակցության խթանման, ներդրումների, կրթության և փոխադարձ հետաքրքրություն ներկայացնող այլ ոլորտների մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր