ՀՀ դեսպանի հանդիպումը ՎՍՀ ԱԺ արտաքին հարաբերությունների հանձնաժողովի փոխնախագահի հետ

06 նոյեմբերի, 2024

2024 թ. նոյեմբերի 6-ին Վիետնամում ՀՀ դեսպան Սուրեն Բաղդասարյանը հանդիպեց ՎՍՀ ԱԺ արտաքին հարաբերությունների հանձնաժողովի փոխնախագահ Նգույեն Ման Տիենին:

Բարձր գնահատելով Վիետնամի սոցիալ-տնտեսական զարգացման ներկայիս արդյունքները՝ ՀՀ դեսպանը կարևորեց տարբեր ուղղություններով Հայաստան-Վիետնամ հարաբերությունների զարգացումը։ Մասնավորապես, դեսպան Ս. Բաղդասարյանը խոսեց միջխորհրդարանական դիվանագիտության զարգացման, բարձրաստիճան այցերի՝ առավել հաճախ կազմակերպման, առևտրատնտեսական, մշակութային և զբոսաշրջային կապերի ամրապնդման անհրաժեշտության մասին:

Արտաքին հարաբերությունների հանձնաժողովի փոխնախագահը հայտնեց Վիետնամի Ազգային ժողովի լիարժեք աջակցությունը Հայաստանի հետ համագործակցության խորացմանը՝ ընդգծելով միջխորհրդարանական փոխանակումների կարևորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր