Դեսպան Բաղդասարյանի այցը Հո Շի Մին

20 սեպտեմբերի, 2024

Հո Շի Մին կատարած գործնական այցի շրջանակներում Վիետնամում ՀՀ արտակարգ և լիազոր դեսպան Սուրեն Բաղդասարյանը սեպտեմբերի 20-ին մասնակցեց «The Sentry P—Viet Nam» նորարարական կենտրոնի բացման արարողությանը։ Միջոցառմանը ներկա էին նորարարական տեխնոլոգիաների ոլորտի, դիվանագիտական և գործարար շրջանակների մի շարք ներկայացուցիչներ։

ՀՀ դեսպանի հետ ունեցած առանձնազրույցի ընթացքում քննարկվեցին «Royal Melbourne Institute of Technology» (RMIT) ուսումնական կենտրոնի հետ համագործակցության և նորարարության ու ձեռներեցության ոլորտում առաջատար համարվող «SPARK Hub» դինամիկ էկոհամակարգը Հայաստանում գործարկելու հնարավորությունները։

Նորարարական տեխնոլոգիաների և ռոբոտաշինության ոլորտի մի շարք այլ ներկայացուցիչների հետ հանդիպումների ընթացքում քննարկվեցին Հայաստանի տեխնոլոգիական հաստատությունների, մասնավորապես «Թումո» ստեղծարար տեխնոլոգիաների կենտրոնի և Հայաստանի ազգային պոլիտեխնիկական համալսարանի հետ համագործակցության հեռանկարները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր