ՀՀ դեսպանը մասնակցեց Վիետնամի Գինու ցուցահանդեսին

28 հուլիսի, 2024

Հուլիսի 27-28-ին Հո Շի Մին քաղաքում կայացավ Վիետնամի Գինու ցուցահանդեսը (Vietnam Wine Expo-2024), որին մասնակցեց հայկական գինիների արտադրող «Վան Արդի» ընկերության տաղավարը՝ ներկայացնելով հայկական գինեգործության ավանդույթներն ու տեսականին։

Միջոցառմանը ներկա էին ՀՀ դեսպան Սուրեն Բաղդասարյանը, Հո Շի Մինում Հայաստանի պատվավոր հյուպատոս Գրեգորի Օհաննեսյանը, Հո Շի Մին քաղաքի կառավարության ներկայացուցիչներ, գործարարներ և լրագրողներ։

Դեսպան Բաղդասարյանը ողջունեց նմանօրինակ միջոցառումներին հայկական ընկերությունների մասնակցությունն՝ ընդգծելով դրա կարևորությունը երկկողմ առևտրի ծավալների ավելացման և Վիետնամում Հայաստանի ու նրա բրենդների ճանաչման համար։

Հատկանշական է, որ «Vietnam Wine Expo»-ն գինու և ալկոհոլային խմիչքների բնագավառում համարվում է երկրի առաջատար առևտրային տոնավաճառ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր