Դեսպան Ռաիսա Վարդանյանի հանդիպումը Ֆիլիպինների Հանրապետության արտաքին գործերի նախարար Ալբերտ դել Ռոսարիոյի հետ

15 մարտի, 2015

Ս.թ. մարտի 15-ին Ֆիլիպինների Հանրապետությունում ՀՀ դեսպան Ռաիսա Վարդանյանը (նստավայրը Հանոյ) հանդիպեց Ֆիլիպինների Հանրապետության արտաքին գործերի նախարար Ալբերտ դել Ռոսարիոյի հետ:

Հանդիպման սկզբում դեսպան Վարդանյանը փոխանցեց Նախարար Նալբանդյանի ջերմ ողջույնը և վերահաստատեց Հայաստան այցելելու հրավերը:

Ընդգծելով երկկողմ հարաբերությունների զարգացման կարևորությունը՝ դեսպան Վարդանյանը նշեց, որ դրանց նոր թափ հաղորդելու համար անհրաժեշտ է ընդլայնել երկկողմ իրավապայմանագրային դաշտը և ստեղծել միջկառավարական հանձնաժողով տնտեսության, գիտության, կրթության, մշակույթի և տուրիզմի ոլորտներում համագործակցության խորացման համար:

Դեսպան Վարդանյանը, նախարար դել Ռոսարիոյի խնդրանքով, ներկայացրեց Լեռնային Ղարաբաղի հակամարտության խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահների ջանքերը և տեղեկացրեց, որ Ադրբեջանը շարունակում է ապակառուցողական մոտեցում ցուցաբերել բանակցային գործընթացին ինչը ուղեկցվում է շփման գծում սադրիչ գործողությունների իրականացմամբ և հրադադարի ռեժիմի աննախադեպ խախտումներով:

Անդրադառնալով Հայոց Ցեղասպանության 100-րդ տարելիցի կապակցությամբ նախատեսվելիք միջոցառումներին՝ դեսպան Վարդանյանը նախարար դել Ռոսարիոյին տեղեկացրեց, որ մի շարք երկրների բարձրաստիճան պաշտոնյաներ արդեն հաստատել են իրենց մասնակցությունը Երևանում կայանալիք միջոցառումներին:

Հանդիպման վերջում կողմերը քննարկեցին երկկողմ հետաքրքրություն ներկայացնող մի շարք այլ հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր