Դեսպան Ռաիսա Վարդանյանի հանդիպումը ՎՍՀ-ում ՌԴ նորանշանակ դեսպան Կոնստանտին Վնուկովի հետ

04 մարտի, 2015

Ս.թ. մարտի 4-ին ՎՍՀ-ում ՀՀ արտակարգ և լիազոր դեսպան Ռաիսա Վարդանյանը ընդունեց ՎՍՀ-ում ՌԴ նորանշանակ դեսպան Կոնստանտին Վնուկովին:

Հանդիպման սկզբում դեսպան Վարդանյանը Կ. Վնուկովին ներկայացրեց ՎՍՀ-ում ՀՀ դեսպանության գործունեությունը և հայ-վիետնամական երկկողմ հարաբերությունների համառոտ նկարագիրը։

Կ. Վնուկովը, իր հերթին անդրադառնալով Հայոց Ցեղասպանության 100-րդ տարելիցին, հետաքրքրվեց, թե ինչպես են ընթանում սպասվելիք միջոցառումների նախապատրաստական աշխատանքները։ Դեսպան Վարդանյանը տեղեկացրեց, որ ՀՀ-ն չափազանց մեծ կարևորություն է տալիս այդ միջոցառումներին և որ դրանք արդեն իսկ մեկնարկել են ինչպես Հայաստանում այնպես էլ ամբողջ աշխարհում:

Կարևորելոն տարածաշրջանային կազմակերություններում արդյունավետ համագործակցությանը, Կ. Վնուկովը ընդգծեց, որ ՀՀ անդամակցությունը ԵՏՄ-ին նոր լիցք կհաղորդի երկկողմ տնտեսական հարաբերություններին և նոր հնարավորություններ կստեղծի անդամ երկրների գործարար շրջանակների համար։

Դեսպան Վարդանյանը, անդրադառնալով ԼՂ հակամարտության խաղաղ կարգավորման ներկա ընթացքին, առանձնակի կարևորեց ԵԱՀԿ ՄԽ շրջանակներում Ռուսաստանի միջնորդական ջանքերը։

Միջազգային քաղաքական օրակարգը քննարկելու ընթացքում կողմերը անդրադարձան Ուկրաինայում առկա իրավիճակին, Իրաքում և Սիրիայում իսլամիստ ծայրահեղականների դեմ միջազգային կոալիցիայի պայքարին և մի շարք այլ հարցերի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր