ՀՀ դեսպանի հանդիպումը «ROX Group» ընկերության փոխտնօրենի հետ

31 հուլիսի, 2025

Դեսպան Սուրեն Բաղդասարյանն ընդունեց վիետնամական «ROX Group» նորարարական տեխնոլոգիաների, ենթակառուցվածքային համակարգերի, վերականգնվող էներգետիկայի և մի շարք այլ ոլորտներում ծրագրեր իրականացնող ընկերության փոխտնօրեն Վու Թան Թույին։

Փոխտնօրենը ՀՀ դեսպանին ներկայացրեց ընկերության գործունեության հիմնական ոլորտները, անցած ուղին, ինչպես նաև Վիետնամի սահմաններից դուրս իրականացրած ծրագրերը։

Զրուցակիցները քննարկեցին «ROX Group»-ի՝ Հայաստանում գործունեություն ծավալելու հնարավորությունները, մասնավորապես՝ վերականգնվող էներգետիկայի, շինարարության, ֆինանսաբանկային և սպասարկման ոլորտներում։

Ընկերության ներկայացուցիչը պատրաստակամություն հայտնեց Հայաստան գործուղել պատվիրակություն՝ հայկական կողմի հետ կոնկրետ ծրագրերի քննարկման նպատակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր