Դեսպան Բաղդասարյանն ընդունեց «McCain Global Leaders» ծրագրի ՀՀ ներկայացուցչին

04 հունիսի, 2025

Հունիսի 4-ին ՀՀ դեսպան Սուրեն Բաղդասարյանն ընդունեց «McCain Global Leaders» ծրագրի ամփոփիչ՝ «Ժառանգության փորձառություն» փուլին մասնակցելու նպատակով Վիետնամ այցելած Հայաստանի ներկայացուցիչ Գոռ Բադալյանին։

Վերջինիս հետ զրույցի ընթացքում դեսպան Բաղդասարյանը հետաքրքրվեց ծրագրին մասնակցելու առավելությունների և ՀՀ ներկայացուցչի մասնագիտական ձեռքբերումների մասին։

Նշենք, որ «Ժառանգության փորձառություն 2025»-ը, որն անցկացվում է Վիետնամի Հո Շի Մին, Հանոյ և Դա Նանգ քաղաքներում, համախմբել է 20 երկրներից Վիետնամ այցելած մասնակիցների։

Ծրագրի շրջանակներում մասնակիցները հնարավորություն ունեն ծանոթանալու ԱՄՆ-ի և Վիետնամի միջև հաստատված խաղաղության հիմքերին, դրանց շուրջ ծավալված գործընթացներին, ինչպես նաև Վիետնամի զարգացման ընթացքին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր