Լաոսի Ժողովրդական Ժողովրդավարական Հանրապետությունում ՀՀ դեսպան Վահրամ Կաժոյանի (նստավայրը՝ ք. Հանոյ) աշխատանքային այցը Լաոս:

27 հուլիսի, 2022

Լաոսի Ժողովրդական Ժողովրդավարական Հանրապետությունում աշխատանքային այցով գտնվող ՀՀ դեսպան Վահրամ Կաժոյանը (նստավայրը՝ ք. Հանոյ) ս.թ հուլիսի 27-ին հանդիպումներ ունեցավ Լաոսի Ժողովրրդական Ժողովրդավարական Հանրապետության վարչապետ պարոն Փանքամ Վիփավանի և փոխվարչապետ, արտաքին գործերի նախարար պարոն Սալեումսայ Կոմմասիթի հետ։

Լաոսի վարչապետը և արտաքին գործերի նախարարը շնորհավորեցին դեսպան Կաժոյանին` Լաոսում Հայաստանի Հանրապետության առաջին դեսպան նշանակվելու կապակցությամբ և վստահություն հայտնեցին, որ վերջերս ՀՀ-ում հավատարմագրված Լաոսի դեսպան տիկին Վիլավան Յապոհերը (նստավայրը՝ ք. Մոսկվա) համատեղ ջանքերով կնպաստեն երկու երկրների միջև համագործակցության զարգացման։

Հանդիպումների ընթացքում կողմերը քննարկեցին Հայաստանի և Լաոսի միջև երկուստեք հետաքրքրություն ներկայացնող ոլորտներում համագործակցության զարգացումը և խորացումը, իրավապայմանագրային դաշտի ընդլայնումը, խորհրդային տարիներին Հայաստանի ԲՈՒՀ-երում ուսանած լաոսցի ուսանողների միության ստեղծումը և այլ հարցեր։ Կողմերը կարևորեցին համագործակցության զարգացումը մասնավորապես մշակույթի, զբոսաշրջության, կրթության և սպորտի բնագավառներում։ Լաոսի բարձրաստիճան պաշտոնյաները հանդիպումների ժամանակ հույս հայտնեցին, որ շուտով Լաոսում կտեսնեն հայկական ապրանքներ՝ հատկապես Արարատ կոնյակը, որը Լաոսում վայելում է մեծ համբավ։ Զրուցակիցները ձեռք բերեցին մի շարք նախնական պայմանավորվածություններ՝ միջկառավարական և միջգերատեսչական պայմանագրերի ստորագրման և երկկողմ հարաբերությունների առավել խորացման ուղղությամբ։ Լաոսի փոխվարչապետ, արտաքին գործերի նախարար պարոն Սալեումսայ Կոմմասիթը պատրաստակամություն հայտնեց հանդիպել իր հայ գործընկերոջը Վիենտյանում և Երևանում, ինչպես նաև Նյու Յորքում ՄԱԿ-ի Գլխավոր Ասամբլեայի շրջանակներում ս.թ. սեպտեմբերին։

Լաոսի Ժողովրդական Ժողովրդավարական Հանրապետությունում ՀՀ դեսպան Վահրամ Կաժոյանին (նստավայրը՝ ք. Հանոյ) աշխատանքային այցի ժամանակ ուղեկցում էր ՀՀ դեսպանության երկրորդ քարտուղար Արամազդ Մուրադյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր