ՎՍՀ-ում Հայաստանի Հանրապետության դեսպան Վահրամ Կաժոյանի աշխատանքային այցը Հո Շի Մին քաղաք:

12 հունիսի, 2022

Ս.թ. հունիսի 12-15-ը Վիետնամի Սոցիալիստական Հանրապետությունում Հայաստանի Հանրապետության դեսպան Վահրամ Կաժոյանն աշխատանքային այցով գտնվում էր Հո Շի Մին քաղաքում։

Աշխատանքային այցի շրջանակներում ՎՍՀ-ում ՀՀ դեսպան Վահրամ Կաժոյանը հանդիպումներ է ունեցել մի շարք գործարարների և Հո Շի Մին քաղաքում գտնվող ընկերությունների ղեկավարների ու ներկայացուցիչների հետ։

Հանդիպումների ժամանակ Վիետնամում ՀՀ դեսպան Վահրամ Կաժոյանը քննարկել է Հայաստանի և Վիետնամի միջև առևտրա-տնտեսական հարաբերությունների զարգացմանն, այս բնագավառում համագործակցության և հայկական որոշակի ապրանքատեսականու, մասնավորապես հայկական կոնյակի, գինիների, կաթնամթերքի, մսամթերքի և ժամացույցների Վիետնամ ներկրման հարցերը: Կողմերը պայմանավորվել են շարունակել հանդիպումները՝ ձեռք բերված նախնական պայմանավորվածությունները կյանքի կոչելու համար:
Այցի շրջանակներում դեսպան Կաժոյանը հանդիպել է նաև Հո Շի Մին քաղաքում ապրող Հայաստանի Հանրապետության քաղաքացիների հետ:

Դեսպան Կաժոյանը հանդիպել է նաև Հո Շի Մինում գտնվող Wellspring International Bilingual դպրոցի ղեկավարության և ուսոցչական անձնակազմի հետ: Դպրոցն ամեն տարի, իբրև ավարտական քննությունների մաս, անց է կացնում մրցույթ ավարտական դասարանների միջև. նրանցից յուրաքանչյուրը ներկայացնում է մի երկիր և այս տարի դասարաններից մեկը` 20 աշակերտ, անգլերենի ուսուցիչ՝ պրն. Հույ Վուոնգի ղեկավարությամբ, ներկայացնում էին Հայաստանը: Մրցույթի նախապատրաստական աշխատանքներում աշակերտներին օգնել և տեղեկատվական ու այլ նյութերով աջակցել էր դեսպան Վահրամ Կաժոյանը: Զրուցակիցները դեսպանին շնորհակալություն հայտնելով, տեղեկացրեցին, որ Հայաստանը ներկայացնող խումբը ոչ միայն լավագույնս է ներկայացրել իր երկիրն, այլև դա արել է մյուսներից ամենաառաջինը՝ ներկայացնելով նաև Հայաստանը խորհրդանշող պոստերը՝ արժանանալով այս տարվա մրցույթի հաղթողի բարձր մրցանակին:

Հո Շի Մին կատարած աշխատանքային այցի ընթացքում ՎՍՀ-ում ՀՀ դեսպան Վահրամ Կաժոյանին ուղեկցում էր Վիետնամում ՀՀ դեսպանության երկրորդ քարտուղար Արամազդ Մուրադյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր