ՀՀ դեսպանը մասնակցեց Հայֆոնգի ազատագրման օրվան նվիրված միջոցառմանը և «Արարատ» կոնյակի ցուցասրահի բացման արարողությանը

09 մայիսի, 2026

Վիետնամում ՀՀ դեսպան Սուրեն Բաղդասարյանն այցելեց նավահանգստային Հայֆոնգ քաղաք, որտեղ օտարերկրյա մի շարք այլ երկրների դիվանագիտական առաքելությունների ղեկավարների հետ միասին մասնակցեց «Կրակածաղկի փառատոն 2026»-ին (Red Flamboyant Festival 2026)՝ նվիրված Հայֆոնգի ազատագրման օրվա 71-րդ տարեդարձին (1955 թ. մայիսի 13)։

Հաջորդ օրը՝ մայիսի 9-ին, դեսպան Սուրեն Բաղդասարյանը Հայֆոնգում մասնակցեց «Արարատ» կոնյակի ցուցասրահի բացման պաշտոնական արարողությանը։

Ներկաների առջև իր ելույթում ՀՀ դեսպանը կարևորեց Հայաստանի և Վիետնամի միջև տնտեսական և գործարար կապերի շարունակական զարգացումը՝ նշելով, որ նման նախաձեռնությունները նպաստում են երկու ժողովուրդների միջև փոխադարձ ճանաչողությանն ու համագործակցության խորացմանը։

Դեսպանն առանձնահատուկ ընդգծեց հայկական արտադրանքի բարձր որակն ու հայկական բրենդների միջազգային ճանաչելիությունը՝ վստահություն հայտնելով, որ հատկապես «Արարատ» կոնյակը լայն տարածում կստանա վիետնամական շուկայում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր